سوال

پندرہویں شعبان کو مخصوص کھانا پکانے کا کیا حکم ہے؟

جواب

شبِ براءت  یا پندرہ شعبان کے دن میں خاص طور پر کھانے پینے کی اشیاء بنانا اور  تقسیم کرنا چوں کہ ثابت نہیں؛ اس لیے اس کا اہتمام اور التزام کرنا (خصوصی ثواب کا باعث سمجھنا، اور نہ کرنے والوں کو اچھا نہ سمجھنا) بدعت ہے۔ اگر مقصود مرحومین  کوایصالِ ثواب کرناہو تو  اس کے لیے کسی مہینے یا دن کا انتظارنہیں کرناچاہیے، بلکہ کسی بھی دن جو میسر ہو صدقہ کرکے اس کا ثواب بخش دیاجائے۔ 

الاعتصام للشاطبی میں ہے:

"ومنها: التزام العبادات المعينة في أوقات معينة لم يوجد لها ذلك التعيين في الشريعة."

(الباب  الأول في تعريف البدع وبيان معناها، 51/1، ط:دار ابن الجوزي)

فقط واللہ أعلم