سوال

سائل کی والدہ نے اپنے پوتوں اور پوتیوں کو مدت رضاعت میں دودھ پلایا ہے۔ اب سوال یہ ہے کہ جن پوتوں یا پوتیوں نے دادی کا دودھ نہیں پیا ہے ان کا نکاح ان پوتوں یا پوتیوں سے درست ہے جنہوں نے دادی کا دودھ پیا ہے یا درست نہیں ہے؟

جواب

صورت مسئولہ میں جن پوتوں یا پوتیوں نے مدت رضاعت میں دادی کا دودھ پیا ہے ان کا نکاح ان پوتوں اور پوتیوں  سے نہیں ہوسکتا جنہوں نے دادی کا دودھ نہیں پیا کیونکہ دودھ پینے والا پوتا دودھ نہ پینے والی پوتی کا رضاعی چچا ہے اور دودھ پینے والی پوتی دودھ نہ پینے والے پوتے کی رضاعی پھوپھی ہے، اور شرعاً جس طرح حقیقی چچا اور حقیقی پھوپھی کے ساتھ نکاح جائز نہیں اسی طرح رضاعی چچا اور رضاعی پھوپھی کے ساتھ بھی نکاح جائز نہیں، لہذا ان کا باہم نکاح درست نہیں ہوگا۔

فتاوی ہندیہ میں ہے:

"يحرم على الرضيع أبواه من الرضاع وأصولهما وفروعهما من النسب والرضاع جميعا حتى أن المرضعة لو ولدت من هذا الرجل أو غيره قبل هذا الإرضاع أو بعده أو أرضعت رضيعا أو ولد لهذا الرجل من غير هذه المرأة قبل هذا الإرضاع أو بعده أو أرضعت امرأة من لبنه رضيعا فالكل إخوة الرضيع وأخواته وأولادهم أولاد إخوته وأخواته وأخو الرجل عمه وأخته عمته وأخو المرضعة خاله وأختها خالته وكذا في الجد والجدة."

(کتاب الرضاع، ج:1،ص:343،دار الفکر)

فقط واللہ اعلم