سوال

ایک عورت نے اپنی  ایک بچی کے ساتھ دوسری  عورت کے  لڑکےکو دودھ پلایا، اب پوچھنا یہ ہے کہ  جس عورت  نے دودھ پلایا تھا اس عورت کےبیٹے کا نکاح دودھ پلائے جانے  والے لڑکے  کی بہن سے جائز ہے یا نہیں؟

جواب

صورتِ مسئولہ میں مذکورہ  عورت نے  جس لڑکے کو دودھ پلایا ہے  وہ لڑکا اس عورت  کا رضاعی بیٹا بن گیا، نیز اس  عورت کے حقیقی بیٹے کا رضاعی بھائی بن گیا،  پھر مذکورہ عورت نے  چوں کہ اس لڑکے  کی بہن کو دودھ نہیں پلایا  ہے؛ اس لیے وہ لڑکی نہ تو اس کی رضاعی بیٹی بنی اور نہ ہی اس کے حقیقی بیٹے کی رضاعی بہن بنی، وہ بدستور اس کے بیٹے کے لیے  اجنبی ہے، لہذا دودھ پلانے والی کے بیٹے  کا نکاح اپنے رضاعی بھائی کی بہن سے جا ئز ہے۔

الدر المختار شرح تنوير الأبصار وجامع البحار (ص: 203):

"(وتحل أخت أخيه رضاعًا) يصح اتصاله بالمضاف كأن يكون له أخ نسبي له أخت رضاعية وبالمضاف إليه كأن يكون لاخيه رضاعا أخت نسبا وبهما، وهو ظاهر."

فقط واللہ اعلم