سوال

ایک صاحب نے قربانی کا جانور خریدا ،خریدتے وقت اس میں کوئی عیب وغیرہ نہیں تھا، لیکن  بعد میں  اب  اس کی  آنکھ میں دانہ نکلا ہے، اس کے بارے  میں کیا حکم ہے؟کیا یہ عیب میں شمار ہوگا یا پھراس کی قربانی درست ہے ؟

جواب

جانور کی آنکھ میں صرف دانہ نکلا ہو اور اس سے اس کی بینائی پر کوئی فرق نہیں پڑا ہوتو اس کی وجہ جانور عیب دار شمار نہیں ہوگا اور اس کی قربانی کرنا درست ہے۔ لیکن اگر اس دانے  کی وجہ سے اس کی آنکھ کی بینائی ضائع ہوجائے یا ایک تہائی کے برابر کم ہوجائے تو پھر اس جانور کی قربانی کرنا درست نہیں ہوگا۔فقط واللہ اعلم