سوال

قربانی کے جانور (گائے) میں 7 حصے ہوتے ہیں،5 حصے قربانی کے لیے ہو چکے ہیں،2 حصے بچےہیں،کیا وہ عقیقہ کے لیے دلائے جا سکتے ہیں؟

جواب

صورت مسئولہ میں   قربانی کے جانور(گائے،اونٹ )میں پانچ  حصے قربانی کے ہوں اور دو حصے عقیقہ کی نیت سے شامل کیے جائیں تو شرعا اس میں کوئی حرج نہیں ہے   ۔

فتاوی شامی میں ہے:

"وكذا لو أراد بعضهم العقيقة عن ولد قد ولد له من قبل ؛ لأن ذلك جهة التقرب بالشكر على نعمة الولد ذكره محمد."

(کتاب الأضحیة، ج:6، ص:326، ط: سعید)

فقط واللہ أعلم