اگر مسجد کا قرآن پھٹ کر بوسیدہ ہو جائے تو کیا کیا جائے؟
قرآنِ کریم کے جو اَوراق انتہائی بوسیدہ ہوجائیں اور استفادہ کے لائق نہ رہیں تو ان کو پاک کپڑے میں لپیٹ کر محفوظ جگہ میں دفن کردیا جائے تا کہ ان کی بے حرمتی نہ ہو۔
"درمختار مع ردالمحتار" میں ہے:
" المصحف إذا صار بحال لا يقرأ فيه يدفن كالمسلم."
(الدر المختار مع رد المحتار، کتاب الطهارة، سنن الغسل ،1/177، ط:سعید)
فقط واللہ اعلم
فتویٰ نمبر : 144309101365
دارالافتاء : جامعہ علوم اسلامیہ علامہ محمد یوسف بنوری ٹاؤن
