مجھےچلانے کے لیےانسٹالمنٹ (قسطوں) پر بائیک لینی ہے، یہ حرام ہے یا حلال؟
قسطوں پر موٹرسائیکل یا دیگر اشیاء لینا جائز ہے، تاہم اس کے لیے شرط یہ ہے کہ عقد کے وقت کوئی ایک قیمت متعین کرلی جائے، ماہانہ قسط اور ادائیگی کی مدت طے کرلی جائے، قسط میں تاخیر ہونے کی صورت میں کوئی اضافہ/ جرمانہ وصول نہ کیاجائے اور عقد میں یہ شرط نہ ہو کہ اگر قیمت جلدی ادا کردی تو قیمت کم ہوگی۔ مذکورہ شرائط نہ پائی جائیں تو یہ بیع ناجائز اور سود کے حکم میں ہوگی۔
واضح رہے کہ نقدی یا سونا چاندی قسطوں پر خریدنا جائز نہیں ہے۔
"فتاوی شامی" میں ہے:
"لأن للأجل شبهاً بالمبيع، ألاترى أنه يزاد في الثمن لأجله".( كتاب البيوع، باب المرابحة ۵/ ۱۴۲ ط:سعيد)
فقط واللہ اعلم
فتوی نمبر : 144204200842
دارالافتاء : جامعہ علوم اسلامیہ علامہ محمد یوسف بنوری ٹاؤن