سوال

 قسطوں پرکتابیں دینے کا کیا طریقہ ہے؟

جواب

اگر آپ کے سوال کا مطلب یہ ہے کہ قسطوں پر کتابیں بیچنا درست ہے یا نہیں؟ اور اس کی کون سی صورت جائز ہے؟ تو اس کا جواب یہ ہے کہ قسطوں پر کتابیں بیچنا جائز ہے اور اس کا طریقہ یہ ہے کہ کتاب کی ایک رقم متعین کر لی جائے، وہ رقم نقد  کی قیمت سے زیادہ بھی ہو سکتی ہے۔

نیز  ادھار  کی  مدت  اور قسط کی مدت طے کرلی جائے، اور قسط میں تاخیر ہونے کی صورت میں کوئی اضافہ/ جرمانہ وصول نہ کیاجائے، اور قبل از وقت ادائیگی کی صورت میں قیمت میں کمی کی شرط نہ ہو۔

  مذکورہ شرائط نہ پائی جائیں تو یہ  معاملہ ناجائز ہو گا۔  فقط واللہ اعلم