سوال

ایسی نمازیں جو رہ گئی ہیں، ان کی قضا  کے لیے فجر  کی سنتوں کی قضا لازم ہے یا نہیں؟

جواب

گزشتہ دنوں کی فجر   کی قضا میں صرف فرض کی قضا لازم ہے، سنتوں کی قضا نہیں۔ البتہ جس دن  فجر کی سنتیں رہ جائیں تو  اسی دن اشراق کا وقت ہوجانے کے بعد سے لے کر اسی دن زوال سے پہلے پہلے ان کی قضا کرلینی چاہیے، اس دن کے زوال کے بعد فجر کی سنتوں کی بھی قضا نہیں ہے۔ نیز دیگر کسی بھی نماز میں سنتوں کی قضا نہیں ہے، قضا صرف فرض اور وتر کی ہوتی ہے، اور جمعے کی نماز کی جگہ ظہر کی چار رکعات فرض قضا کرنی ہوتی ہے۔ فقط واللہ اعلم