سوال

کیاقرض خواہ مقروض سے قرض کی وصولی کے درمیان آنے والے اخراجات اور کرایہ وصول کرسکتا ہے؟

جواب

قرض خواہ،  قرض دار سے قرض دی گئی رقم سے زائد وصول نہیں کرسکتا، خواہ کرایہ کے نام پر لے یا کسی اور نام پر، البتہ اگر قرض دار قرض چکانے میں تنگ کر رہا ہو،  یا بار بار چکر لگواتا ہو، تو یہ از روئے حدیث ظلم ہے، جس پر آخرت میں سخت سزا کا اندیشہ ہے، لہذا قرض دار کو قرض کی ادائیگی میں باوجود وسعت کے ٹال مٹول سے کام نہیں لینا چاہیے۔

حدیثِ مبارک  میں ہے:

"(عن أبي هريرة )أن رسول الله صلى الله عليه وسلم قال: "مطل ‌الغني ‌ظلم."

ترجمہ:"رسول  کریم ﷺ نے فرمایا: صاحبِ استطاعت کا  (ادائیگیِ قرض میں) تاخیر کرنا ظلم ہے۔" (مظاہر حق)

(كتاب البيوع، باب الإفلاس والنظائر، الفصل الأول، ج:1، ص:251، ط:قديمي)

فقط والله اعلم