پولیو و یکسن حلال ہے یاحرام ہے؟
پولیو یا اس جیسی دیگر بیماریوں کی ویکسینز کے سلسلے میں شریعت کا حکم یہ ہے کہ اگر کوئی ماہر دین دار ڈاکٹر اس بات کی تصدیق کردے کہ یہ مضر صحت نہیں اور نہ ہی اس میں کوئی ناپاک چیز ملی ہے تو ان کا پلانا جائز ہے، لہذا اس سلسلے میں دین دار ماہر ڈاکٹروں کی تصدیقات کی طرف رجوع کیا جائے، اور پلانے سے پہلے ڈاکٹر سے مشورہ اور اس بات کا اطمینان ضرور کرلیا جائے کہ کہیں اس کی تاریخ میعاد گزر نہ گئی۔ نیز چوں کہ یہ مستقبل کی ایک موہومی بیمار کے سد باب کے لیے ہے؛ اس لیے کسی کو اس کے پلانے پر مجبور نہیں کیا جاسکتا۔ فقط واللہ اعلم
مزید تفصیل کے لیے درج ذیل لنک پر جامعہ کے ترجمان رسالہ ”ماہنامہ بینات“ کے مضمون کا مطالعہ کرلیں:
پولیو کے قطرے ، عوامی تشویش اور سرکاری ذمہ داری!
فتوی نمبر : 144207201514
دارالافتاء : جامعہ علوم اسلامیہ علامہ محمد یوسف بنوری ٹاؤن