سوال

’’پرویز‘‘ نام رکھنا کیسا ہے؟ اگر کوئی قباحت ہے تو وجہ مع الدلیل تحریر فرما دیں!

جواب

"پرویز" فارسی زبان کا لفظ ہے اور اس کے متعدد معنی ہیں:

1- فاتح 2- خوش نصیب 3- خوش 4- قمتی 5- نہایت اعلی 6- مہذب 7- سخاوت 8- شان و شوکت۔ (فیروز اللغات)

معنی کے لحاظ سے فی نفسہ  یہ نام رکھنا درست ہے، لیکن دو وجہ سے یہ نام رکھنا مناسب  نہیں:

اول یہ کہ   رسول اللہ ﷺ کے دشمن شاہِ ایران کا لقب ہے، جس نے رسول اللہ ﷺ کا والا نامہ چاک کیا تھا۔دوم یہ کہ کسی  صحابی رسول ﷺ کا نام نہیں ہے۔

اس کے بجائے کسی نبی علیہ السلام یا کسی صحابی رسول ﷺ کے نام پر نام رکھنا  چاہیے۔ فقط واللہ اعلم