سوال

’’محمد موحد‘‘  نام رکھنا چاہ رہا ہوں، کیا یہ صحیح ہے؟ آپ اپنی طرف سے بھی نام کا مشورہ دے دیں۔ دن 1 بجے، 11 / 4 / 2020 کی پیدائش ہے!

جواب

’’محمد‘‘  نبی کریم ﷺ کا نام اور انتہائی بابرکت نام ہے،  اور ’’موحد‘‘  کا معنی ہے: "توحید پر ایمان لانے والا"۔ یہ نام درست ہے۔

اگر دوسرا کوئی نام رکھنا چاہتے ہیں تو  انبیاءِ  کرام علیہم السلام، صحابہ کرام رضی اللہ عنہم یا سلف صالحین میں سے کسی کے نام پر بھی نام رکھنا بہتر ہے۔

تاہم واضح ہو کہ نام رکھنے سے پیدائش کے دن، تاریخ اور وقت  کا کوئی تعلق نہیں ہے۔ فقط واللہ اعلم