سوال

میرا سوال پبجی گیم کے بارے میں ہے آپ نے جو فتوی دیا ہے وہ صرف ایک موڈ تھا، گیم میں جو چار ماہ پہلے گیم والوں نے ختم کر دیا تھا، اب وہ موڈ نہیں ہے گیم میں تو کیا حکم ہے اس کے بارے میں؟

جواب

بصورتِ مسئولہ پب جی گیم  والوں نے اگر  شرکیہ فعل  والا  موڈ گیم سے بالکلیہ ختم کردیا ہو تب بھی اس گیم  کا کھیلنا بذاتِ خود بہت سے مفاسد کی بنا پر ناجائز ہے،  ہمارے سابقہ فتاوی میں   تجدیدِ ایمان اور تجدیدِ نکاح کا حکم صرف اسی شخص کے لیے تھا جس نے اس گیم میں پلیئر کو بتوں کے سامنے جھکانے کا عمل کیا ہو۔ اور جس شخص نے مذکورہ عمل کیے بغیر یہ گیم کھیلا ہو وہ دائرۂ اسلام سے خارج نہیں ہوگا، البتہ ناجائز کام کرنے کی وجہ سے گناہ کا مستحق ہوگا اور اس پر توبہ و استغفار لازم ہوگا۔

تفصیل کے لیے جامعہ کی ویب سائٹ پر موجود درج ذیل فتویٰ ملاحظہ کیا جائے:

کیا پب جی گیم کھیلنے سے نکاح ٹوٹ جاتا ہے؟

فقط واللہ اعلم