سوال

میری والدہ کا انتقال ہوا ہے،ان کے ترکہ میں 90,909روپے ہیں،والد کا انتقال والدہ سے پہلے ہی ہوچکا ہے،ہم پانچ بہنیں اور دو بھائی ہیں،ترکہ کی شرعی تقسیم کیسے ہوگی؟

جواب

صورتِ مسئولہ میں مرحومہ کے ترکہ کی  تقسیم کرنے کا شرعی طریقہ یہ ہے کہ کل ترکہ میں سے مرحومہ کے حقوقِ متقدمہ (کفن دفن کے اخراجات) نکالنے کے بعد، اگر مرحومہ کے ذمہ کوئی قرضہ ہو تو وہ ادا کرنے کے بعد، اور اگر مرحومہ نے کوئی جائز وصیت کی ہو تو باقی ترکہ کے ایک تہائی سے نافذ کرنے کے بعد باقی ترکہ ( منقولہ وغیر منقولہ) کے کل 9حصے کرکے 2، 2 حصے ہر ایک بیٹے کو اور 1,1حصہ بیٹی کو ملے گا۔

صورتِ تقسیم یہ ہے:

مرحومہ:9

کل مالیت کا 22.22فیصد ہر ایک بیٹے کو اور11.11 فیصد ہر ایک بیٹی کو ملے گایعنی 20,202روپے ہر ایک بیٹے کو اور10,101 روپے ہر ایک بیٹی کو ملیں گے۔

فقط واللہ اعلم