عبادلہ میں کون کون سے صحابہ آتے ہیں ؟
’’عبادلہ‘‘ سے حضرات صحابۂ کرام رضی اللہ عنہم میں سے وہ حضرات مراد ہیں جن کا اسم گرامی ’’عبداللہ‘‘ ہے، اور اس نام کے صحابہ کی تعداد زیادہ ہے۔ مگر یہاں ان میں سے صرف چار حضرات مراد ہیں ، جن میں سے ہر ایک کا نام عبداللہ ہے اور وہ چار یہ ہیں :
الف: …حضرتِ عبداللہ بن عمر رضی اللہ عنہ
ب: …حضرت عبداللہ بن عباس رضی اللہ عنہ
ج: …حضرتِ عبداللہ بن زبیر رضی اللہ عنہ
د: …اور حضرتِ عبداللہ بن عمرو بن عاص رضی اللہ عنہ
تدريب الراوي في شرح تقريب النووي میں ہے:
"( ومن الصحابة العبادلة ، وهم ) أربعة ، عبد الله ( ابن عمر ) بن الخطاب ، ( و ) عبد الله ( ابن عباس ، و ) عبد الله ( ابن الزبير ، و ) عبد الله ( ابن عمرو بن العاص".
(أنواع الحديث ، النوع التاسع والثلاثون معرفة الصحابة رضي الله عنهم ، الثاني الصحابة كلهم عدول، ص:627، ط:دار الكتب العلمية)
فقط والله أعلم
فتوی نمبر : 144612100552
دارالافتاء : جامعہ علوم اسلامیہ علامہ محمد یوسف بنوری ٹاؤن
