صورتِ مسئولہ میں گھر خرچ کی مذکورہ رقم کی دو حیثیتیں ہیں:

۱۔اگر شوہر اور  بیٹا ،بیوی(ماں)  کو کمائی کی رقم دے کر  مالک بنادیتے ہیں  اور یوں کہتے ہیں:تم  مالک ہو، تو ایسی صورت میں اگر گھر خرچ میں سے باقی بچی ہوئی  رقم، جو بیوی (ماں) کی ملکیت  میں ہے، وہ    چاندی کے نصاب (ساڑھے باون تولہ چاندی کی قیمت ) تک پہنچ جائے تو سال گزرنے پر اُس کی زکات بیوی(ماں) کے ذمہ لازم ہوگی۔

۲۔اور اگر شوہر اور بیٹا، بیوی(ماں) کو کمائی کی رقم دے کر  مالک نہیں بناتے  تو ایسی صورت میں گھر خرچ میں سے  شوہر اور بیٹے میں سے جس کی بھی دی ہوئی رقم  بچ جائے   وہ اُسی  کی ملکیت ہے جو اُسے واپس کرنا ضروری ہے۔اور واپس کردینے کی صورت میں   وہ رقم شوہر اور بیٹے میں سے جس کی بھی ملکیت میں چاندی کے نصاب(ساڑھے باون تولہ چاندی کی قیمت) تک پہنچ جائے تو  سال گزرنے پر  اُس کی زکات اُسی کے ذمہ لازم ہوگی۔

"الفتاوى الهندية"میں ہے:

 "(وأما شروط وجوبها) ... (ومنها: كون المال نصاباً) فلا تجب في أقلّ منه، هكذا في العينيّ ... ومنها: الملك التامّ، وهو ما اجتمع فيه الملك واليد". 

(الفتاوى الهندية، كتاب الزكاة، الباب الأول في تفسسيرها ... إلخ،ج:1، ص:171و172، ط: رشيدية)

فقط والله أعلم