سوال

جب ہم تبلیغی اجتماع میں جاتے ہیں، تو وہاں بہت رش ہوتا ہے، تو سوال یہ ہے کہ اگر نماز کھڑی ہو جائے اور ایک دو منٹ باقی ہو اور آپ وضو کے لیے جائیں اور وہاں بہت رش ہو، وہاں وضو کرنے میں کم از کم 10 منٹ لگ سکتے ہیں، تو کیا اس صورت میں پانی کی موجودگی میں تیمم کر سکتے ہیں؟

جواب

صورتِ مسئولہ میں وضو میں زیادہ وقت  لگنے کی وجہ سے تیمم کر کے جماعت میں شامل ہو نے سے نماز ادا نہیں ہو گی، لہذا جماعت کے وقت سے پہلے ہی وضو کر کے نماز کے لیے تیار رہیں؛ تاکہ بعد میں رش کی وجہ سے جماعت نہ فوت ہو۔

فتاوی شامی  میں ہے:

"(لا) يتيمم (لفوت جمعة ووقت) ولو وترا لفواتها إلى بدل".

 وفي الرد:

"قوله (لفواتها) أي هذه المذكورات إلى بدل؛ فبدل الوقتيات والوتر القضاء، وبدل الجمعة الظهر".

(‌‌‌‌كتاب الطهارة، باب التيمم، 1/ 246، ط: سعيد)

فقط واللہ اعلم