بِسْمِ اللَّهِ الرَّحْمَنِ الرَّحِيم

10 صفر 1443ھ 18 ستمبر 2021 ء

دارالافتاء

 

نفاس کی حالت میں عورت کھانا پکا سکتی ہے


سوال

کیا نفاس کی حالت میں عورت کھانا پکا سکتی ہے ؟

 

جواب

نفاس کی حالت میں عورت کھانا پکا سکتی ہے، اس میں کوئی ممانعت نہیں۔

نفاس کے عمومی احکام یہ ہیں:

1و2- نفاس کی حالت میں عورت کے لیے نماز پڑھنا اور روزہ رکھنا جائز نہیں ہے،اور ان ایام میں جونمازیں رہ جائیں ان کی قضابھی عورت کے ذمہ نہیں، البتہ رمضان کے جو روزے ان دنوں میں قضا ہو جائیں ان کی قضا واجب ہوگی۔

3- ان  ایام میں قرآن پاک کی تلاوت اور بلاحائل اسے چھونا بھی جائز نہیں ہے۔

4- البتہ  ان ایام میں  ذکر واذکار کرناجائزہے،مثلاً:درودِ پاک، استغفار، کلمہ طیبہ،یا کوئی اور وظیفہ پڑھنا یا قرآن مجید میں جو دعائیں آئی ہیں، ان کو دعا  کی نیت سے پڑھنا درست ہے۔

فتاوی شامی میں ہے:

" فلو قرأت الفاتحة على وجه الدعاء أو شيئاً من الآيات التي فيها معنى الدعاء ولم ترد القراءة لا بأس به، كما قدمناه عن العيون لأبي الليث، وأن مفهومه أن ما ليس فيه معنى الدعاء كسورة أبي لهب لايؤثر فيه قصد غير القرآنية".(1/293)

فقط واللہ اعلم


فتوی نمبر : 144301200141

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں