سوال

آج کل کتنی مالیت کی رقم پر زکات آئےگی جو نقد  کی صورت  میں ہو؟

جواب

اگر کسی شخص کی ملکیت میں سونا، چاندی یا مال تجارت نہیں،بلکہ صرف نقد رقم ہے، تو اس صورت میں اگر وہ نقد رقم  ساڑھے باون  تولہ چاندی کی مالیت  تک پہنچ جاتی ہے، اور یہ نقد رقم محفوظ ہے اور اس شخص کی   ضروریات اصلیہ  سے زائد ہے، تو  قمری مہینوں کے اعتبار سے سال  گزر جانے پرمجموعی رقم پرڈھائی فیصد زکات  واجب  ہوگی، ساڑھے باون تولہ چاندی کا موجودہ ریٹ  کسی سنار سے معلوم کیاجاسکتا ہے۔اور اگر سونا ، چاندی  ،اور  نقد رقم  مال تجارت ہو یہ کل یا بعض کے مجموعہ کی رقم  چاندی کے نصاب کو پہنچ جائے تو اس پر بھی زکات واجب ہوگی ۔

فتاوی شامی میں ہے : 

"او عرض تجارة قيمته نصاب من ذهب أو ورق."

(کتاب الزکاۃ ،باب زکاۃالمال ، 2 /298  ط: سعید)

وفیہ ایضا:

"(وسببه) أي سبب افتراضها (ملك نصاب حولي)...(تام) (و) فارغ (عن حاجته الأصلية)."

(كتاب الزكاۃ 2 /259  /262 ط: سعید)

وفیہ ایضا:

"نصاب الذهب عشرون مثقالا والفضة مائتا درهم."

(کتاب الزکاۃ ، باب زکاۃالمال 2 /295 ط: سعید)

فقط واللہ اعلم