سوال

پنج وقتہ نماز کی ہر رکعت میں سورۃ فاتحہ اور سورۃ فاتحہ کے بعد جو سورت پڑھی  جاتی ہے،   اس کے شروع میں بسم اللہ الرحمٰن الرحیم پڑھنا چاہیے یا نہیں؟

جواب

نماز میں سورہ فاتحہ سے پہلے بسم اللہ پڑھنا مسنون ہے، جب کہ  سورہ فاتحہ کے بعد سورت پڑھنے سے پہلے  بسم اللہ پڑھنا مستحب ہے، فرض یا واجب نہیں، لہذا صورت مسئولہ میں  سورہ فاتحہ سے پہلے اور اس کے بعد تلاوت شروع کرنے سے قبل بسم اللہ الرحمن الرحیم  پڑھنے کا معمول  رکھا جائے، تاہم اگر کبھی رہ جائے، تو اس سے نماز  مکروہ نہیں ہوگی۔

البحر الرائق شرح كنز  الدقائق میں ہے:

"إن سمی بين الفاتحة و السورة كان حسناً عند أبي حنيفة".

(كتاب  الصلاة، فصل: إذا أراد الدخول في الصلاة كبر، ١/ ٣١٢، ط: سعيد) 

فقط واللہ اعلم