سوال

اگر کوئی شخص جماعت کی امامت کرا رہا ہو تو نماز کی نیت  کیسے کرے؟ 

جواب

واضح رہے کہ نیت دل کے ارادہ کا نام ہے، زبان سے مخصوص الفاظ کے ساتھ نماز اور امامت کی نیت کرنا نہ فرض ہے نہ واجب اور نہ ہی سنت، لہذا جماعت شروع کرنے اور امامت کی نیت سے قدم اٹھانا ہی نیت کے لیے کافی ہے، تکبیر کہنے سے پہلے صف میں کھڑے ہوکر زبان سے نیت کرنے کی، نیز مستقل طور پر امامت کے الفاظ کہنے کی  شرعاً ضرورت نہیں، اور اگر کوئی کرلیتاہے تو اس میں حرج بھی نہیں ہے۔  فقط واللہ اعلم