نماز کے دوران امام نے تلاوت کرتے ہوئے آیتِ سجدہ سے پہلے ہی سجدہ کر لیا، اور آیتِ سجدہ اس کے بعد تلاوت کی، اب یہ جو پہلے سجدہ کیا ہے اس کی وجہ سے سجدۂ سہو واجب ہو گا یا نہیں؟
نماز میں آیتِ سجدہ کی تلاوت کرنے سے پہلے اگر سجدۂ تلاوت کی نیت سے سجدہ کیا گیا تو چوں کہ سجدۂ تلاوت کے وجوب کے بغیر ہی سجدہ کیا گیا اس لیے یہ سجدہ ایک زائد فعل شمار ہوگا اور اس کی وجہ سے سجدۂ سہو واجب ہوگا۔فقط واللہ اعلم
فتوی نمبر : 144109201851
دارالافتاء : جامعہ علوم اسلامیہ علامہ محمد یوسف بنوری ٹاؤن