امام نے نمازِ جنازہ میں پہلی تکبیر کے بعد نماز والی ثناء کے ساتھ سورہ فاتحہ پڑھ لی، دوسری تکبیر کے بعد درود شریف پڑھ لیا اور تیسری تکبیر کے بعد بالغ آدمی کی نماز جنازہ والی دعا پڑھ لی۔کیا اس طرح کرنے سے نماز جنازہ ہوگئی؟
صورتِ مسئولہ میں جنازہ کی نماز ہوگئی۔ البتہ نمازِ جنازہ میں چوں کہ تلاوت نہیں ہے، اس لیے پہلی تکبیر کے بعد سورہ فاتحہ کو بطورِ تلاوت پڑھنا درست نہیں ہے۔ فقط واللہ اعلم
فتوی نمبر : 144111200949
دارالافتاء : جامعہ علوم اسلامیہ علامہ محمد یوسف بنوری ٹاؤن