نماز عصر میں سنتیں کس طرح پڑھی جائیں؟
نماز عصر کی چار رکعت سنت پڑھنے کا وہی طریقہ ہے جو دیگر چار رکعت والی سنتوں کے پڑھنے کا طریقہ ہے، البتہ عصر کی چار رکعت سنت چوں کہ غیر مؤکدہ ہیں؛ اس لیے ان میں ہر دو رکعتیں مستقل نمازیں شمار ہوتی ہیں، لہذا ان سنتوں میں قعدہ اولیٰ میں التحیات پڑھنے کے بعد درود شریف بھی پڑھنا بہتر ہے اور تیسری رکعت کےلئے کھڑے ہونے کے بعد ثناء، تعوذ اور تسمیہ بھی پڑھی جائے گی۔
فتاویٰ شامی میں ہے:
"(ولا يصلى على النبي - صلى الله عليه وسلم - في القعدة الأولى في الأربع قبل الظهر...(وفي البواقي من ذوات الأربع يصلي على النبي) -صلى الله عليه وسلم - (ويستفتح) ويتعوذ ولو نذرا لأن كل شفع صلاة الخ."
(کتاب الصلوۃ،باب الوتر و النوافل،ج:2،ص:16،ط:سعید)
فقط واللہ اعلم
فتوی نمبر : 144405100309
دارالافتاء : جامعہ علوم اسلامیہ علامہ محمد یوسف بنوری ٹاؤن