سوال

کپڑے کو پاک کرنے کے بعد وہی کپڑا یا شلوار گیلی حالت میں پہنی جا سکتی ہے یا اس کے خشک ہونے کا انتظار ضروری ہے؟

جواب

کپڑے  کے جس حصہ پر نجاست لگی ہو، اس حصہ کو  تین مرتبہ اچھی طرح دھو کر ہر مرتبہ اس طرح نچوڑ لیاجائے  کہ قطرے ٹپکنا بند ہوجائیں، یا بہتے پانی میں اتنی دیر دھویاجائے  کہ نجاست کے زائل ہونے کا اطمینان ہوجائے، اس سے وہ کپڑا پاک ہوجائے گا، پاکی کے بعد  اسی کپڑے کو دوبارہ پہن سکتے ہیں، خواہ وہ ابھی خشک نہ ہوا ہو،اور اس میں نماز کی ادائیگی درست ہے۔فقط واللہ اعلم