میرے چھوٹے بھائ نے مجھ سے موبائل فون دلانے کیلئے کہا مگر سستے موبائل کیلئےتیار نہی ہوا۔جوموبائل اس نے مانگامیں نےدلا دیا۔اب مسئلہ یہ ہے کہ اس موبائل میں کیمرہ ہے جس سےوہ تصویر بناتاہے اور میمو ری کارڈ میں فلمیں اور گانے رکھتا ہے اور دیکھتا ہے۔ اب میں پریشان ہوں کہ اس کا گناہ کس کےذمہ ہو گا کیونکہ موبائل تو میں نے دلایا ہے اور مجھےخدشہ تھا کے وہ ایسا کریگا۔برائےمہربانی بتائیں کہ اس غلط استعمال کا گناہ کس کے ذمہ ہے اور اب کیا کریں۔
صورت مسئولہ میں اگرسائل کو پہلے سےیقینی طورپرمعلوم تھاکہ بھائی موبائل فون کا ناجائزکاموں میں استعمال کرے گا توایسی صورت میں کیمرہ والا موبائل فون خرید کردینا مکروہ کام کا ارتکاب ہوااگر معلوم نہیں تھا کہ اس کا استعمال ناجائزکاموں میں کرےگا اب وہ استعمال کررہاہے تواس کاوبال استعمال کرنےوالے پرہے سائل پرنہیں ہے۔ البتہ چونکہ عام طورپراس طرح کی چیزوں کا استعمال نوجوان افراد ناجائز کاموں میں کرتے ہیں اس لیے ان کواس طرح کی چیزیں دلانے سے احتراز بہتر ہے۔ فقط واللہ اعلم
فتوی نمبر : 143101200573
دارالافتاء : جامعہ علوم اسلامیہ علامہ محمد یوسف بنوری ٹاؤن