سوال

 کیا مشت زنی سے روزہ ٹوٹ جاتا ہے؟ ایسی صورت میں کفارہ کیا ہو گا؟

جواب

مشت زنی نا جائز اور لعنت کا باعث ہے، روزے کی حالت میں مشت زنی کی اور انزال ہوگیا تو گناہ کی شدت بڑھ جائے گی، اور روزہ بھی فاسد ہوجائے گا خواہ یہ معلوم ہو کہ مشت زنی حرام ہے یا معلوم نہ ہو،اسی طرح اگر یہ بھی معلوم نہ ہوکہ روزہ کی حالت میں مشت زنی حرام ہے اور کرلی اور انزال ہوگیا تو روزہ ٹوٹ جائے گا۔

روزے کی حالت  میں مشت زنی سے صرف قضا لازم ہوتی ہے، کفارہ نہیں، البتہ مذکورہ گناہ سرزد ہونے پر صدق دل سے توبہ واستغفار لازم ہے۔ فقط واللہ اعلم