میں ایک مہینہ پاکستان سے باہر گیا ہوں، اب میں اپنا فطرہ پاکستان میں دینا چاہتا ہوں، کیا دے سکتا ہوں؟
صورتِ مسئولہ میں آپ اپنا صدقۂ فطر پاکستان میں بھی ادا کرسکتے ہیں۔ البتہ اگر آپ اس سفر کے دوران کسی جگہ پندرہ دن یا اس سے زائد اقامت اختیار کرتے ہیں تو پھر وہ جگہ آپ کی وطن اقامت ہوجائے گی اور اس جگہ کی قیمت کے حساب سے صدقۂ فطر دینا ہوگا، چاہے وہیں دیں یا پاکستان میں دیں۔
الدر المختار میں ہے:
"والمعتبر في الزكاة فقراء مكان المال، وفي الوصية مكان الموصي، وفي الفطرة مكان المؤدي عند محمد، وهو الأصح، وأن رءوسهم تبع لرأسه...... وفي الرد:(قوله: مكان المؤدي) أي لا مكان الرأس الذي يؤدي عنه (قوله: وهو الأصح) بل صرح في النهاية والعناية بأنه ظاهر الرواية، كما في الشرنبلالية، وهو المذهب كما في البحر؛ فكان أولى مما في الفتح من تصحيح قولهما باعتبار مكان المؤدى عنه".
(الدر المختار مع رد المحتار، كتاب الزكاة، باب مصرف الزكاة والعشر، 355/2، سعيد)
فقط والله اعلم
فتوی نمبر : 144309101289
دارالافتاء : جامعہ علوم اسلامیہ علامہ محمد یوسف بنوری ٹاؤن