سوال

میرے ایک دوست نے اپنے بیٹے کا نام مصعب رکھا ہے ،لیکن وہ کمزور اور لاغر ہے، گاؤں کے لوگ اسے کہہ رہے ہیں کہ اپ اپنے بیٹے کا نام  تبدیل کر دو تو یہ ٹھیک ہو جائے گا،  اس بارے میں رہنمائی فرمائیں کہ اس نام کا مطلب کیا ہے اور کیا یہ بھاری نام ہے جس کی وجہ سے اس کی صحت پر اثر ہے؟

جواب

"مصعب"  نام  کا مطلب ہے سردار،  صحابی رسول کانام ہے، اس لیے یہ نام رکھنا درست  بلکہ باعثِ برکت ہے،  بچے کی صحت خراب ہونے کی وجوہات اور بھی ہوسکتی ہیں ،لیکن اگر  بچہ مستقل بیمار رہتاہے، تو اس کا نام بدل کر کوئی دوسر ا نام بھی رکھ سکتے ہیں۔

القاموس الوحید میں ہے:

"المُصعَب:۱۔ (من الرجال) سردار ۔ ۲۔ (من الإبل): وہ اونٹ جس پر سواری چھوڑ دی گئی ہو۔ (ج): مصاعب"

(ص۔ع۔ب ،ص: ۹۲۴ ط:ادارہ اسلامیات)

فقط واللہ اعلم