کیا گورنمنٹ ملازمت میں ریٹائرمنٹ کے بعد پینشن اور اس کے علاوہ جو فائدے ملتے ہیں وہ جائزہیں ؟
سرکاری ملازمت میں جو فرد کسی ایسے ادارے کا ملازم ہو جس کا کام جائز ہوتو ریٹائرمنٹ کے بعد پینشن و دیگر مراعات جو ادارے کی جانب سے ضابطے کے موافق ملازم کو دی جاتی ہوں ، ان کا حاصل کرنا جائز ہے۔
المعجم الکبیر میں ہے:
"عن رسول الله صلى الله عليه وسلم قال: «المسلمون على شروطهم إلا شرطا حرم حلالا، وأحل حراما، والصلح جائز بين الناس، إلا صلحا أحل حراما أو حرم حلالا»."
( عمرو بن عوف بن ملحة المزني، جلد 17 ص:22 ط: مکتبہ ابن تیمیہ قاہرہ)
فقط واللہ اعلم
فتوی نمبر : 144405101078
دارالافتاء : جامعہ علوم اسلامیہ علامہ محمد یوسف بنوری ٹاؤن