ایک شخص نے بھولے ہوئے امام کو پنجابی میں کہا چل پیچھے سے پڑھ یا سورہ فاتحہ پڑھ لے ۔۔یا ایسی کو ئی بات کہنے سے نماز کا کیا حکم ہے؟
صورت ِ مسئولہ میں نماز کے دوران بات کرنے سے مذکورہ شخص کی نماز فاسد ہوگئی ،اس پر نماز کا اعادہ لازم ہے ۔
فتاوی ہندیہ میں ہے :
"إذا تكلم في صلاته ناسيا أو عامدا خاطئا أو قاصدا قليلا أو كثيرا تكلم لإصلاح صلاته بأن قام الإمام في موضع القعود فقال له المقتدي: اقعد أو قعد في موضع القيام فقال له: قم أو لا لإصلاح صلاته ويكون الكلام من كلام الناس استقبل الصلاة عندنا."
(کتاب الصلاۃ ،الباب السابع فیما یفسد الصلاۃ،ج:1،ص:98،دارالفکر)
فقط واللہ اعلم
فتوی نمبر : 144509101143
دارالافتاء : جامعہ علوم اسلامیہ علامہ محمد یوسف بنوری ٹاؤن
