سوال

موجودہ دور کے اعتبار سے پاکستانی روپے/کرنسی میں مہرِ  فاطمی کتنا بنتاہے؟

جواب

 مہرِ فاطمی کی مقدار احادیث میں ساڑھے بارہ اوقیہ منقول ہے، اور ایک اوقیہ چالیس درھم کا ہوتا ہے، تو اس حساب سے مہر فاطمی کی مقدار پانچ سو درھم  چاندی بنتی ہے،  موجودہ دور میں مہرِ فاطمی کی مقدار  131.25 تولہ چاندی یا اس کی قیمت ہے۔ اور چاندی  کی قیمت میں کمی بیشی ہوتی رہتی ہے، لہٰذا آج (مؤرخہ 15 اکتوبر 2023ء) پاکستانی روپے/کرنسی کےحساب سے  ایک تولہ چاندی کی قیمت دو ہزار دوسو نوّے روپے (2290) ہے ، تواس حساب سے کُل مہرِ فاطمی (یعنی ایک سو اکتّیس تولہ پچیس گرام /  131.25 چاندی) کی قیمت تین لاکھ پانچ سو باسٹھ روپے پانچ پیسے( 300562.5)  بنتی ہے۔

صحيح مسلم شریف میں ہے:

"حدثنا إسحاق بن إبراهيم، أخبرنا عبد العزيز بن محمد، حدثني يزيد بن عبد الله بن أسامة بن الهاد، ح وحدثني محمد بن أبي عمر المكي، واللفظ له، حدثنا عبد العزيز، عن يزيد، عن محمد بن إبراهيم، عن أبي سلمة بن عبد الرحمن، أنه قال: سألت عائشة زوج النبي صلى الله عليه وسلم: كم كان صداق رسول الله صلى الله عليه وسلم؟ قالت: «كان صداقه لأزواجه ثنتي عشرة أوقية ونشاً»، قالت: «أتدري ما النش؟» قال: قلت: لا، قالت: «نصف أوقية، فتلك خمسمائة درهم، فهذا صداق رسول الله صلى الله عليه وسلم لأزواجه»".

(‌‌ كتاب النكاح، ‌‌باب الصداق، وجواز كونه تعليم قرآن، وخاتم حديد، وغير ذلك، ج:4، ص:144، رقم الحديث:1426، ط:دار الطباعة العامرة - تركيا)

فقط واللہ اعلم