بِسْمِ اللَّهِ الرَّحْمَنِ الرَّحِيم

14 ذو القعدة 1445ھ 23 مئی 2024 ء

دارالافتاء

 

موبائل اسکرین میں قرآن پڑھنے کا طریقہ


سوال

موبائل  میں بغیر وضو کے قرآن پڑھنا درست ہے کہ موبائل کی پوری اسکرین میں  قرآن مجید کے صفحات نہ ہوں بلکہ درمیان میں ہوں تو کیا سائیڈ حاشیہ سے بغیر وضوا سکرین کو سکرول کرتے ہوئے تلاوت کر سکتے ہیں؟

جواب

موبائل میں  دیکھ  کر  بلا  وضو   قرآنِ مجید پڑھنا جائز ہے،  چوں کہ قرآنِ کریم کو دیکھ کر ہاتھ لگائے بغیر زبانی تلاوت کرنا جائز ہے، اس لیے موبائل فون میں دیکھ کر بے وضو قرآنِ کریم کی تلاوت کرنا جائز ہے، اگر اسکرین پر قرآنِ کریم کھلا ہوا ہو تو  اسکرین کے جس حصہ میں قران کریم کھلا ہوا ہو اس حصہ کے علاوہ کواورموبائل کے مختلف اطراف کو چھونا اور پکڑنا بغیر وضو کےجائز ہے،  البتہ  اسکرین کے جس حصہ میں  قرآنِ کریم  کھلا ہوا ہو، اس کو چھونے سے احتراز کیا جائے۔

فتاوی شامی ہے:

"(و) يحرم (به) أي بالأكبر (وبالأصغر) مس مصحف: أي ما فيه آية كدرهم وجدار، وهل مس نحو التوراة كذلك؟ ظاهر كلامهم لا (إلا بغلاف متجاف) غير مشرز أو بصرة به يفتى، وحل قلبه بعود.
(قوله: أي ما فيه آية إلخ) أي المراد مطلق ما كتب فيه قرآن مجازاً، من إطلاق اسم الكل على الجزء، أو من باب الإطلاق والتقييد. قال ح: لكن لايحرم في غير المصحف إلا بالمكتوب: أي موضع الكتابة كذا في باب الحيض من البحر."

(کتاب الطھارۃ،ج:1،ص:173،ط:سعید)

فقط واللہ اعلم


فتوی نمبر : 144509100865

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں