ہم چار بھائی اور ایک بہن ہے وراثت اور جائیداد کا حساب بتائیں؟
صورتِ مسئولہ میں اگر آپ والدین کے ورثاء ہیں تو مرحوم والدین کے ترکہ کی تقسیم اس طرح ہو گی کہ مرحوم والدین کے حقوقِ متقدمہ یعنی تجہیز و تکفین کے اخراجات نکالنے کے بعد اگر مرحوم کے ذمہ کوئی قرض ہو تو اس کو ادا کرنے کے بعد اگر مرحوم نے کوئی جائز وصیت کی ہو تو اس کو ایک تہائی میں سے نافذ کرنے کے بعد کل منقولہ و غیر منقولہ جائیداد کو9 حصوں میں تقسیم کر کے ہر ایک بھائی کو 2،2 حصے اور بہن کو 1 حصہ ملے گا۔
صورتِ تقسیم یہ ہو گی:
مرحوم والدین:9
بھائی | بھائی | بھائی | بھائی | بہن |
2 | 2 | 2 | 2 | 1 |
یعنی سو فیصد میں سے ہر ایک بھائی کو 22.22 فیصد اور ہر ایک بہن کو 11.11 فیصد ملے گا۔فقط واللہ اعلم
فتوی نمبر : 144411101441
دارالافتاء : جامعہ علوم اسلامیہ علامہ محمد یوسف بنوری ٹاؤن