سوال

زوجین کی باہم لڑائی ہوئی،اور دوران لڑائی خاوند نے یہ الفاظ کہے کہ میری طرف سے طلاق ۔

یہ ایک مرتبہ کہا،اور لڑائی کے بعد اسی رات کو رجوع کرلیا ،کیا یہ طلاق ہوئی یا نہیں؟ کیا رجوع کے بعد وہ دوبارہ ساتھ رہ سکتے ہیں یا نہیں ؟

جواب

صورتِ مسئولہ میں زوجین کی لڑائی کے درمیان اگر واقعۃً شوہر نے یہ الفاظ کہے: "میری طرف سے طلاق" تو اس سے بیوی پر ایک طلاقِ رجعی واقع ہوگئی تھی، اور شوہر کو اپنی بیوی کی عدت (پوری تین ماہ واریاں، اگر حمل نہیں تھا اگر حمل تھا تو بچے کی پیدائش تک) شوہر کو رجوع کا حق حاصل تھا، اور جب شوہر نے اسی رات کو رجوع بھی کرلیا تھا، اور رجوع سے مراد جسمانی تعلق/ بوس و کنار ہو، یا زبانی طور پر رجوع کرلیا تھا، تو ان تمام صورتوں سے رجوع ہوگیا، نکاح قائم رہا، الغرض یہ رجوع درست تھا، لہٰذا اب شوہر کے پاس دو طلاق کا اختیار باقی ہے۔

فتاویٰ عالمگیریہ میں ہے: