ایک عورت کا انتقال ہوگیا، اس کے ترکہ میں پچاس ہزار روپے ہیں اور وارثین میں ایک بیٹا اور ایک بیٹی ہے، جب کہ ایک سوتیلی بیٹی بھی ہے، ان میں میراث کس طرح تقسیم ہوگی؟
مرحومہ کے موجودہ ترکے میں سے سب سے پہلے تجہیز وتکفین کا خرچہ نکالنے کے بعد، میت کے ذمے قرض ہوں تو ان کی ادائیگی کے بعد، مرحومہ نے کوئی وصیت کی ہو تو کل مال کے تہائی حصہ میں سے وصیت کو نافذ کرنے کے بعد کل ترکہ میں سے 16,666.66 روپے بیٹی کو، اور 33,333.33 روپے بیٹے کو ملے گا، بشرطیکہ کوئی اور وارث نہ ہو۔ فقط واللہ اعلم
فتوی نمبر : 144210200180
دارالافتاء : جامعہ علوم اسلامیہ علامہ محمد یوسف بنوری ٹاؤن