میں نے اپنے بھتیجے کا نام راہب رکھناہے، اس کے بارے میں بتا دیں۔
واضح رہے کہ راہب اس شخص کو کہتے ہیں جو رہبانیت ( یعنی دنیوی کام مثلاً شادی کاروبار وغیرہ بالکل چھوڑ کر اور آبادی سے دور جاکر عبادت کرنےکو) اختیار کرے،اور رہبانیت اختیار کرنا دینِ اسلام میں جائز نہیں ہے،اوریہ نام نصاریٰ اور ان کے پوپ رکھتے ہیں،اس لیےیہ نام رکھنا درست نہیں ہے، اس کے بجائے بہتر یہ ہے کہ سائل اپنے بھتیجے کا نام انبیاء کرام علیہم السلام اور صحابہ کرام رضی اللہ عنھم کے ناموں میں سے کوئی اچھا بامعنی نام منتخب کرکے رکھ لیں۔
ہماری ویب سائٹ پر اسلامی ناموں کے سیکشن میں بچوں اور بچیوں کے بہت سے منتخب اسلامی نام موجود ہیں، جنس اور حرف منتخب کرکے نام کا انتخاب کرسکتے ہیں، لنک مندرجہ ذیل ہے:
القاموس المحیط میں ہے:
"الراھب:نصرانی،گرجاکا مذہبی رہنماوہ تارک الدنیا نصرانی جو عبادت کے لیے اپنی کٹی یا خانقاہ میں یکسو ہوکررہے،ج:رھبان".
(القاموس المحيط،باب الراء،مادہ:رہب،ص:675،ط:اداہ اسلامیہ لاہور كراچی)
فقط واللہ اعلم
فتوی نمبر : 144403102095
دارالافتاء : جامعہ علوم اسلامیہ علامہ محمد یوسف بنوری ٹاؤن