اگر کوئی شخص التحیات پر مکمل بیٹھنے پر قادر نہیں کہ ایک ٹانگ اٹھی ہوئی ہو اور دوسری نہیں تو اس شخص کے اقتدا میں نماز پڑھنے والوں کا حکم کیا ہے؟
صورت مسئولہ میں اگر مذکورہ امام رکوع وسجدہ پر قادر ہے، صرف بیماری کی وجہ تشہد میں ایک ٹانگ اٹھا کر بیٹھتے ہیں تو ان کی امامت درست ہے، ان کی اقتداء میں نماز پڑھنے والوں کی نماز ہوجائے گی۔
فتاوی شامی میں ہے:
"(و) لا (قادر على ركوع وسجود بعاجز عنهما)؛ لبناء القوي على الضعيف.
(قوله: بعاجز عنهما) أي بمن يومئ بهما قائماً أو قاعداً، بخلاف ما لو أمكناه قاعداً فصحيح، كما سيأتي. قال ط: والعبرة للعجز عن السجود، حتى لو عجز عنه وقدر على الركوع أومأ".
(کتاب الصلاۃ، باب الامامۃ، ج: 1، صفحہ: 579، ط: ایچ، ایم،سعید)
فقط واللہ اعلم
فتوی نمبر : 144405100578
دارالافتاء : جامعہ علوم اسلامیہ علامہ محمد یوسف بنوری ٹاؤن