میں عمرہ کے سفر کے لیے آیا ہوں، مطاف میں عمرہ کرنے والے کے علاوہ کسی کو جانے کی اجازت نہیں، تو میں کیا احرام کے کپڑے پہن کر مطاف میں بغیر عمرہ کی نیت کیے طواف کے لیے جا سکتا ہوں،جب مطاف میں رش کم ہو؟
صورتِ مسئولہ میں جب حکومت کی طرف سے صرف احرام والے حضرات کو بیت اللہ کے قریب طواف کرنے کی اجازت ہے،اس کے علاوہ لوگوں کو بیت اللہ کے قریب نفلی طواف کرنے کی اجازت نہیں ،تو صرف اس وجہ سے بغیرنیتِ احرام کے چادریں پہنناکہ بیت اللہ کے قریب نفلی طواف کرسکوں ،خلافِ واقع اور حقیقت کے برخلاف ہے؛لہذا اس عمل سے اجتناب کیاجائے،لیکن اگر کوئی شخص صرف احرام کی چادرپہن کر طواف کرے گا تو طواف ہوجائے گا۔فقط واللہ اعلم
فتوی نمبر : 144402101190
دارالافتاء : جامعہ علوم اسلامیہ علامہ محمد یوسف بنوری ٹاؤن