سوال

  مسجد کی چھت پر لوگ اس لیے نماز پڑ ھتے ہیں کہ وہاں سورج ہو تا ہے اور مسجد کا اصل ہال خالی ہو تا ہے،کیا یہ صحیح ہے؟

جواب

بلا عذرمسجد کی چھت پرنمازپڑھنا مکروہ ہے، اسی طرح نچلی منزل میں جگہ ہونے کے باوجود اسے چھوڑ کر مکمل جماعت چھت پر کرانا بھی مکروہ ہے،مسجد کی نچلی منزل چھوڑ کر چھت پر جماعت کرانا مسجد کی اصل وضع اور امت کے متوارث تعامل کے خلاف ہے اور نچلی منزل کا خالی رہنا مسجد کے احترام کے بھی خلاف ہے،  اس لیے بلا عذر   اصل مسجد چھوڑ کر چھت پر جماعت کرانا  خلافِ سنت اور مکروہ  ہے۔البتہ اگر عذر ہو تو بلا کراہت جائز ہوگا  یعنی اگر  امام  نیچے کے حصے میں مسجد کے اندرونی ہال میں ہو  اور  جماعت اس کے ساتھ ہو،لیکن  جماعت کی کثرت اور جگہ کی تنگی کی بنا پر  کچھ آدمی اوپر مسجد کی چھت پراقتدا کرلیں تو یہ بلا کراہت جائز ہوگا، واضح رہے کہ گرمی یا سردی عذر میں داخل نہیں ہے۔

فتاوی شامی میں ہے:

' (و) كره تحريماً (الوطء فوقه، والبول والتغوط)؛ لأنه مسجد إلى عنان السماء'۔

' (قوله: الوطء فوقه) أي الجماع خزائن؛ أما الوطء فوقه بالقدم فغير مكروه إلا في الكعبة لغير عذر؛ لقولهم بكراهة الصلاة فوقها. ثم رأيت القهستاني نقل عن المفيد كراهة الصعود على سطح المسجد اهـ ويلزمه كراهة الصلاة أيضاً فوقه، فليتأمل، (قوله: لأنه مسجد)، علة لكراهة ما ذكر فوقه. قال الزيلعي: ولهذا يصح اقتداء من على سطح المسجد بمن فيه إذا لم يتقدم على الإمام.

ولا يبطل الاعتكاف بالصعود إليه، ولا يحل للجنب والحائض والنفساء الوقوف عليه، ولو حلف لا يدخل هذه الدار فوقف على سطحها يحنث اهـ (قوله: إلى عنان السماء) بفتح العين، وكذا إلى تحت الثرى، كما في البيري عن الإسبيجابي'.

(کتاب الصلاۃ،باب ما یفسد الصلاۃ وما یکرہ فیھا،ج:1،ص:656،ط:سعید)

فتاوی عالمگیری میں ہے:

" الصعود على سطح كل مسجد مكروه، ولهذا إذا اشتد الحر يكره أن يصلوا بالجماعة فوقه، إلا إذا ضاق المسجد فحينئذ لا يكره الصعود على سطحه للضرورة، كذا في الغرائب"

(کتاب الکراھیۃ،الباب الخامس في آداب المسجد والقبلة والمصحف وما كتب فيه شيء من القرآن،ج:5،ص:322،ط:دارالفکر بیروت)

فتاوی رحیمیہ میں ہے:

 "گرمی کی شدت کی وجہ سے دھابا (یعنی مسجد کی چھت) پر جماعت کرنا مکروہ ہے، اگر نمازیوں کی کثرت کی وجہ سے نیچے جگہ نہ ہو ، تو زائد نمازی اوپر جاسکتے ہیں، اس صورت میں کراہت نہ ہوگی، کیوں کہ مجبوری ہے"۔

(مسجد کی چھت پر جماعت کرانا،ج:4،ص:142،ط:دارالاشاعت)

فقط واللہ اعلم