سوال

اگر کوئی انسان اپنی زندگی میں اپنی جائیداد کا کوئی حصہ مسجد کے لیے وقف کر دے، اور اس جائیداد کی باقاعدہ نشاندہی کر کے اسے بقیہ جائیداد سے الگ بھی کر دیا گیا ہو، اور اپنی زندگی ہی میں پانچ سات گواہان کی موجودگی میں مسجد کی تعمیر کے لیے چندہ بھی جمع کر چکا ہو، اور اس کے فوت ہونے کے بعد بھی اس جائیداد کے لیے مسجد کے نام پر چندہ اکٹھا ہوا ثابت ہو، اور گواہان بھی موجود ہوں، تو اس کے فوت ہونے کے بعد اس کی  اولاد اس جائیداد کو اپنی ذاتی استعمال میں یعنی گھر بنانے کے لیے استعمال کر سکتی ہے یا نہیں؟

جواب

واضح رہے کہ جب کوئی زمین حد بندی کر کے مسجد کے لیے وقف کردی جائے تو وقف کرتے ہی وہ جگہ واقف کی ملکیت سے نکل کر ہمیشہ ہمیشہ کے لیے اللہ تعالی کی ملکیت میں داخل ہوجاتی ہے،بعد ازاں واقف یا اس کے ورثاء کو وقف باطل کرکے اپنی ملکیت میں لینے کا اختیار نہیں رہتا، اور نہ ہی انہیں اس میں مالکانہ تصرفات کاحق رہتا ہے ،لہذا صورتِ مسئولہ میں جب مذکورہ زمین کی حدود اربعہ واضح کر کے اس کو مسجد کے لیے وقف کردیا گیا تو اب مرحوم کی اولاد کے لیے اس  زمین کوذاتی استعمال میں لانااورگھرتعمیر کرناجائز نہیں ،بلکہ اس جگہ مسجد تعمیر کرنا لازم ہوگا۔

فتاوی شامی میں ہے:

"و (بقوله جعلته مسجدا) عند الثاني

(قوله: وشرط محمد والإمام الصلاة فيه)....«وأنه لو قال وقفته مسجدا، ولم يأذن بالصلاة فيه ولم يصل فيه أحد أنه لا يصير مسجدا بلا حكم وهو بعيد كذا في الفتح ملخصا. ولقائل أن يقول: إذا قال جعلته مسجدا فالعرف قاض، وماض بزواله عن ملكه أيضا غير متوقف على القضاء، وهذا هو الذي ينبغي أن لا يتردد فيه نهر.

قلت يلزم على هذا أن يكتفى فيه بالقول عنده، وهو خلاف صريح كلامهم تأمل وفي الدر المنتقى وقدم في التنوير والدرر والوقاية وغيرها قول أبي يوسف وعلمت أرجحيته في الوقف والقضاء."

(کتاب الوقف ،ج:4، ص: 356، ط: سعید)