سوال

 اگر چار  یا تین رکعات والی  نماز میں جماعت کے ساتھ دو رکعت رہ جائیں ،تو اس میں  سورہ فاتحہ کے ساتھ سورت ملانا چاہیے یا نہیں؟

جواب

صورتِِ مسئولہ میں جب چار یا تین رکعات والی نماز میں مقتدی کی دو رکعت رہ جائیں، تو  امام کے  سلام پھیرنے کے بعد مقتدی اپنی فوت شدہ پہلی دو رکعت کی قضا کرے گا،جس میں سورۃ فاتحہ کے ساتھ سورت ملانا بھی واجب ہے۔

فتاوی شامی میں ہے:

"(والمسبوق من سبقه الإمام بها أو ببعضها وهو منفرد) حتى يثني ويتعوذ ويقرأ ۔۔۔(فيما يقضيه) أي بعد متابعته لإمامه۔۔۔ويقضي أول صلاته في حق قراءة، وآخرها في حق تشهد."

(كتاب الصلاة، باب لإمامة، 596/1، ط:سعید)

وفيه ايضا:

"(ولها واجبات)۔۔۔(وهي)۔۔۔(قراءة فاتحة الكتاب)۔۔۔(وضم) أقصر (سورة)۔۔۔(في الأوليين من الفرض)."

(كتاب الصلاة، باب صفة الصلاة،  واجبات الصلاة، 458/459/1، ط:سعید)

فقط والله أعلم