سوال

 جماعت اگر تشہد میں بیٹھی ہو  تو جماعت میں شامل ہونے کے لیے تکبیر اولیٰ کہنے کے بعد بیٹھتے وقت دوبارہ تکبیر کہنی چاہیے یا نہیں؟  اور جب امام سلام پھیرے گا تو بقیہ رکعت پوری کرنے کے لیے اٹھتے وقت تکبیر کہنی چاہیے یا نہیں؟

جواب

صورتِ مسئولہ میں تکبیر تحریمہ کہنے کے بعد  بیٹھتے وقت بھی تکبیر کہی جائے گی،  اسی طرح سے امام کے سلام کے بعد بقیہ رکعات کی ادائیگی کے لیے اٹھتے ہوئے مسبوق تکبیر کہے گا۔ فقط واللہ اعلم