مجھے ایک نام کے بارے میں پوچھنا تھا کہ دونوں میں سے کون سا صحیح ہے یا پھر دونوں صحیح ہیں اور ان کا معنی کیا ہے؟ ایک مناہِل "manahil" اور دوسرا مناہَل"manahal"، اپنی قیمتی رائے دے دیجیے!
دونوں ناموں میں سے درست نام مناہِل "manahil" ہے، ’’مَنَاهِلْ‘‘ (میم اور نون کے زبر، اور ہاء کی زیر کے ساتھ ) عربی زبان کا لفظ ہے اور لفظ’’مَنْهَلْ‘‘ کی جمع ہے،’’مَنْهَلْ‘‘کے معنی ہیں: پانی کا گھاٹ،
سیرابی حا صل کرنے کا مقام، پانی کا چشمہ۔
جیسا کہ "معجم الرائد" میں ہے:
’’مناهل: جمع منهل، عين الماء، نبع‘‘.
فقط واللہ اعلم
فتوی نمبر : 144211201031
دارالافتاء : جامعہ علوم اسلامیہ علامہ محمد یوسف بنوری ٹاؤن