سوال

میں نے  سرکاری ملازمت کے لیے ٹیسٹ دیا ہے ،میرا نام تیسرے نمبر پر  آیا ہے، یعنی میری جاب پکی ہے، کیا میں مال کے عوض چوتھے نمبر پر  آنے والے کے لیے دست بردار ہوسکتا ہوں؟

جواب

سائل کا ملازمت کے امتحان میں تیسرے نمبر پر آنا اور اس کے نتیجہ میں جاب کا مستحق ہونا ایک  "حقِ مجر د"  ہے ،یعنی سائل کے پاس صرف یہ ایک حق ہے کہ وہ مذکورہ جگہ پر ملازمت کرسکے ،کوئی مال وغیرہ نہیں ہے ،لہذا سا ئل کا چوتھے نمبر پر آنے والے کے لیے   اپنے حق سے دست بردار ہونے کے عوض  مال لینا درست نہیں ہے ۔

الاشباہ والنظائر میں ہے :

’’الحقوق المجردة لايجوز الاعتياض عنها ‘‘. (1/212)

وفي حاشية ابن عابدين :

"وأفتى في الخيرية أيضًا بأنه لو فرغ عن الوظيفة بمال فللمفروغ له الرجوع بالمال لأنه اعتياض عن حق مجرد وهو لايجوز صرحوا به قاطبةً، قال: ومن أفتى بخلافه فقد أفتى بخلاف المذهب لبنائه على اعتبار العرف الخاص وهو خلاف المذهب والمسألة شهيرة وقد وقع فيها للمتأخرين رسائل واتباع الجادة أولى والله أعلم."

(رد المحتار4/ 383ط:سعيد)

 فقط واللہ اعلم