سوال

رائیونڈ کی ایک جماعت کی تشکیل کراچی کی طرف ہوئی ہے، 23 دن کی وہ جماعت کراچی کے ایک ہی ضلع میں 20 دن کے رہنے کی نیت کرتی ہے، لیکن وہ 20 دن اس ایک ہی ضلع کی مختلف مساجد میں گزارتے ہیں، تو اب وہ نماز میں قصر کریں گے یا اتمام؟

جواب

واضح رہے کہ اگر تبلیغی جماعت کی تشکیل کسی شہر میں ہوئی ہے اور ایک ہی شہر میں پندرہ دن یا اس سے زائد قیام کا ارادہ ہے، تو شہر کی مختلف  مساجد میں قیام کی صورت میں یہ جماعت پوری مکمل نماز پڑھے گی، قصر نماز نہیں پڑھے گی۔

بدائع الصنائع میں ہے:

"(وأما) اتحاد المكان: ‌فالشرط ‌نية مدة الإقامة في مكان واحد؛ لأن الإقامة قرار والانتقال يضاده ولا بد من الانتقال في مكانين."

(كتاب الصلاة، ج:1، ص:98، ط:دار الكتب العلمية)

فقط والله أعلم