سوال

ماہم(ہ کے نیچے زیر) یہ نام رکھنا درست ہے؟

جواب

تلاش کے باوجود کسی عربی، اردو یا فارسی لغت میں ’’ماہم‘‘ کا معنی نہیں ملا۔

بظاہر یہ ایک لفظ نہیں، بلکہ ’’ماہم‘‘ فارسی زبان کے دو لفظوں کا مجموعہ ہے،  ’’ماہ‘‘  بمعنی چاند   اور  ’’ام‘‘  واحد متکلم کے لیے ہے، دونوں کو ملاکر پڑھتے وقت  ’’ام‘‘  کا ہمزہ نہیں پڑھا جائے گا، اس کا معنی ہے: میرا چاند۔  اسی طرح ’’ہم‘‘  جمع متکلم کا صیغہ ہے ، دونوں کو ملا کرتخفیفاً  ایک ’’ہ‘‘ کو حذف کرلیا گیا ہے، لہٰذا ’’ماہم‘‘ کے معنی ہیں ’’ہمارا چاند‘‘ ۔  بہتر یہ ہے کہ ماہم کے بجائے کسی صحابیہ کے نام پر  نام رکھا جائے یا کوئی اچھے معنی والا عربی نام رکھا جائے۔

فیروز اللغات میں ہے:

"ماہ :چاند ،قمر ،مہینہ"

( ص:610،  ط:فیروز سنز)

وفیہ ایضا:

"ہم:ضمیر جمع متکلم "

(ص:717، ط:فیروز سنز)

فقط واللہ اعلم