سوال

کیا مدرسے کا (اے-سی)AC ذاتی طور پر استعمال کرنا جائز ہے؟ اگرچہ جو (اے-سی)AC استعمال کرتے ہیں اور جس کمرے میں کرتے ہیں ان میں سے ایک شخص بچوں کو اسی کمرے میں تھوڑی دیر کے لیے سکول  پڑھاتا ہے ـ۔

جواب

اگر مدرسے کی انتظامیہ نے ایئر کنڈیشنر کے ذاتی استعمال کی اجازت نہیں دی تو اسے ذاتی طور پر استعمال کرنا جائز نہیں، خواہ اسی کمرے میں کچھ دیر بچوں کو پڑھایا بھی جائے، کیوں کہ تھوڑی دیر کی تدریس سے ذاتی استعمال جائز نہیں ہو جاتا جبکہ بقیہ وقت ذاتی مقاصد کے لیے استعمال ہو رہا ہو۔

البتہ اگر مدرسے کی انتظامیہ نے صراحتاً یا عرفاً اجازت دے رکھی ہو، یا اساتذہ کے لیے یہ سہولت بطورِ مراعات مقرر ہو، تو پھر اس کا استعمال جائز ہوگا۔

اس لیے متعلقہ افراد کو چاہیے کہ مدرسے کے ذمہ داران سے باضابطہ اجازت لے لیں۔

الدر المختار میں ہے:

"الوقف لا يُستعمل إلا فيما وُقف له."

( کتاب الوقف، ج:۴، ص:۳۳۸، ط: دار الفکر)

الفتاوی الہندیة میں ہے:

"ليس للمتولي أن يُعطي من مال الوقف أحداً بغير حق."

(الفتاوی الہندیة، کتاب الوقف، الباب الثالث عشر، ج:۲، ص:۳۸۸، ط: دار الفکر)

فقط و اللہ اعلم