سوال

بچہ ماں کا دودھ نہیں پی رہا کوئی روحانی علاج بتا دیں ۔

جواب

صورتِ  مسئولہ  میں  اولًا کسی ماہر معالج سے رجوع کیا جائے، ممکن ہے کسی بیماری یا تکلیف کی وجہ سے وہ  دودھ نہ لے رہا ہو۔ نیز اس کے ساتھ سورہ بقرہ کی آخری دو آیات عشاء کےبعد 3 بار آواز کےساتھ پڑھ کر بچےپر دم کریں، نیز  درج ذیل آیت قرآنی گیارہ مرتبہ پڑھ کر بھی دم کریں:

" شَهِدَ اللَّهُ أَنَّهُ لَا إِلَٰهَ إِلَّا هُوَ وَالْمَلَائِكَةُ وَأُولُو الْعِلْمِ قَائِمًا بِالْقِسْطِ ۚ لَا إِلَٰهَ إِلَّا هُوَ الْعَزِيزُ الْحَكِيمُ "

      اسی  طرح سے سورہ کوثر اول و آخر تین تین مرتبہ درود   ابراہیمی پڑھ کر پانی  اور ماں کے سینے پر دم کریں، اور دم شدہ پانی کا چھڑکاؤ وقتاً فوقتاً  بچے  کے چہرے اور  ماں اپنے سینہ پر کرتی رہے، ان شاء اللہ بچہ دودھ پینے لگے گا۔

فقط واللہ اعلم